مثنوئ معنوی
تالی ( مصطفى عاصم كوچوك آشجى)
مثنوئ معنوی
بر كتاب پر شفا ؛ مثنوئ معنوی .
جانە ، روحە بیڭ صفا ؛ مثنوئ معنوی .
نی می ایڭلەین او سس ؟ بر صبا می هر نفس ؟
عشقە چوریلن هوس ، مثنوئ معنوی .
بر لسان كە قلبە دیر : « قالمە بویلە دربدر . »
مشقی ، عشقە قلب ایدر ، مثنوئ معنوی .
صوڭ گیجەم صباح اولور ، عقلە انتباه اولور ،
گوڭلە انشراح اولور مثنوئ معنوی .
عارفانە جوشقودر ، عاشقانە قورقودور ،
صادقانڭ افقیدر ، مثنوئ معنوی .
سانمە بر حكایەدر ، حصەمندە پایەدر ،
عشق بی نهایەدر ، مثنوئ معنوی .
سانمە شاعرڭ سوزی ، حق كلامینڭ أوزی ،
عرشه باقدیرر گوزی ، مثنوئ معنوی .
غائب اولدی بر گونش ، گوڭلە دوشدی قور آتش ،
بر آتش كە نورە اش : مثنوئ معنوی .
لالە ، گل . . چشید چشید ، اوندە مژدە ، عشق ، امید .
یگرمی آلتی بیڭ بیت ، مثنوئ معنوی .
تورك ، عجم ، عرب ، موغول . درس ویرر جهانشمول ،
غربی فتح ایدن اوقول . مثنوئ معنوی .
بین خیالە صحنەدر ، نظم ایچون دفینەدر ،
أوگرتیر شعر نەدر ، مثنوئ معنوی .
بر مثل بو كائنات ، آخرت اصل حیات ،
یارە آچدیریر قنات ، مثنوئ معنوی .
روحی نفس اسیر ایدر ؛ عقلی ، كور وزیز ایدر ،
نفسی یرلە بر ایدر ، مثنوئ معنوی .
جزئى كولّە قات گوڭل ، ماسوایی آت گوڭل ،
چولدە بر فرات ، گوڭل ؛ مثنوئ معنوی .
تعبیر علمی یوسفڭ ، اوندە ، شرح اولور درون ،
باغیدر تصوفڭ مثنوئ معنوی .
طوپراق اول دە سن گوڭل ، سندە آچسين اونجە گل ،
بسلەسين گورول گورول مثنوئ معنوی .
دیڭلە نایی تالییا . زاد راه اصفیا ،
یاد شاه اولیا ، مثنوئ معنوی
MESNEVÎ-İ MÂNEVÎ
.