حبل الله
حبل الله
سامى گوكسون
« هپ برلكدە اللهڭ ایپنە ( اسلامە ) صیم صیقی صاریلڭ ؛ پارچەلانمەیڭ .
اللهڭ سزە اولان نعمتینی خاطرلایڭ :
سز بربریڭزە دوشمان كیشیلردیڭز دە او ، گوڭللریڭزی برلشدیرمشدی و اونڭ نعمتی سایەسندە قرداش كیمسەلر اولمشدیڭز . ینە سز بر آتش چوقورینڭ كنارندە ایكن اورادن دە سزی او قورتارمشدی .
ایشتە الله جلە جلاله سزە آیتلرینی بویلە آچیقلار كە طوغری یولی بولاسڭز .» ( آل عمران ، ۱۰۳ )
حبل الله یعنی یوجە ربمزڭ ایپندن مقصد ، قرآندر.
اللهڭ قرآنى ایپە بڭزتمەسینڭ بر حكمتی واردر .
بر قویویە بر انسان دوشرسە اونڭ قورتولابیلمسی ایچون اوڭا ایپ اوزاتیلیر ؛ یوقاریدن دە قوّتلی اللر چكرسە آنجق قویودن چیقابیلیر . اوڭا اوزاتیلان ایپە صیم صیقی صاریلیرسە قورتولابیلیر . عكسی تقدیردە قورتولاماز . الله جلە جلاله بویورویور كە :
اللهڭ ایپنە صیم صیقی صاریلڭ .
تك باشڭزە دگل ، طوپلی حالدە صاریلڭز و بولونوب پارچەلانمەیڭز . یوجە ربمز ؛ بزە آیتلری آپ آچیق بیلدیرییور كە ، طوغری یولی ، حقیقتی بولابیلەلم .
یوقاریدەكی آیتڭ تام اولارق آڭلاشیلابیلمسی ایچون ، آیتڭ نزول سببنە بر باقمق لازمدر . جناب حق ؛
سز دوشمان ایكن الله ، نعمتلریلە سزی بربریڭزە قرداش یاپدی . بویورمقدەدر .
پیغمبریمز صلى الله علیه وسلم ۱۳ سنە مكەدە اللهڭ امرییلە اسلامی آڭلاتدی و یایدی . صوڭرە مدینەیە هجرت ایتدی . مدینەیە گلدیگی زمان اورادە اَوْس و خَزْرَجْ اسملی ایكی بویوك عرب قبیلەسی واردی و بونلر نفوسڭ چوغنی تشكیل ایدییورلردی . اوج تانە دە یهودی قبیلەسی موجوددی . بونلر آز اولمەلرنە رغمًا ، عربلرڭ آراسنە فتنە صوقویور و قان دعواسی چیقارییورلردی . هم دە اینجیر چكردگینی طولدیرمایان مسئلەلر یوزندن . عربلرە بول فائضلە پارە ویرییور و گلیرلرینڭ قایماغنی یییورلردی . یهودی ؛ ویردیگی بیڭ دینار قارشیلغندە قات قات فائض آلییور ، ویرمەینلرڭ ایسە أولرینی ، تارلەلرینی حتی قادین و قیزلرینی آلییور و بویلەجە عربلرڭ قانینی امییوردی . عربلر بربرلرینی قیردقلرندن ، بونڭ فرقندە بیلە دگللردی . بوگون اولدیغی گبی .
بویلەجە یهودی ، مدینە یە حاكم اولویوردی . پیغمبریمز مدینەیە گلدیگی زمان نە قدر عرب قبیلەسی وارسە ، لیدرلك سوداسیلە بربرلریلە صاواشییورلردی . صوڭرە هپسی طوپتان مسلمان اولدی . مسلمان اولونجە قان دعواسی قالقدی ، قرداش اولدیلر . الله جلە جلاله فائضی حرام قیلدی ، مسكین مسكین یاتمەیی یاساقلادی . بویلەجە مسلمانلر طوپارلاندی و مدینەدە حاكمیت اللرینە گچدی .
جناب حق ، بو حادثەیلە اونلرە ؛ محبتی ، برلگی ، برابرلگی ، سوگییی خاطرلاتمش اولدی . بزە دە مئالاً شویلە بویوردی :
ای مسلمانلر ! دقتلی اولوڭ . اسلام و ایمان قرداشلگنە باغلانڭ ، بربریڭزی ایتمەیڭ . سزڭ ایچون تك بر رچتە واردر ، تك بر صاغلام ایپ واردر . او دە اللهڭ كلامی قرآندر . طوپلی حالدە اوڭا صاریلڭ ! أویلە یاپارسەڭز سزڭ ایچون ضلالت یوقدر .
یعنی بورادە أوڭملی اولان ؛ اللهڭ كلامی اولان قرآن كریمە یاپیشمق و قرآنڭ اطرافندە برلشمكدر . بونی یاپابیلدیگمز آن ، قرآنڭ أوگدیگی قرداشلك ، سوگی و برلك – برابرلك آڭلاییشنی یاقالامش اولورز .
اسلامدە قرداشلك چوق مهمدر . مسلمان ، مسلمانڭ قرداشیدر .
مسلمان اولمایانلر ، یعنی غیر مسلملر ، مسلمانڭ قرداشی دگلدر . اسلام قرداشلگندە اساس اولان قان باغی دگل ، دین باغیدر . اگر دین باغی یوقسە قان باغی دە قوپار . بونڭ اڭ گوزل مثالی قرآنده آڭلاتیلان حضرت نوحڭ قصەسیدر .
حضرت نوح او مشهور طوفان باشلاینجە ؛
– یاوروم ، اولادم ، جگر پارەم . گل ، بیڭ گمییە بوغولاجقسڭ . دیدیگندە اوغلی ؛
– بنی صودە بوغولمقلە می قورقوتاجقسڭ ؟ بن ، داغیڭ تپەسنە چیقار قورتولورم . دیە جواب ویردی .
او احمق ؛ « داغڭ تپەسنە چیقنجە طوفاندن قورتولورم . » ظن ایدییوردی .
حضرت نوح ؛
– اوغلم ، أویلە دگل . بوگون اللهڭ آجیمدیغی هیچ بر كیمسە قورتولامایاجق . دیركن آرالرینە بر طالغە گیردی و اوغلی صولرە گومولدی گیتدی . حضرت نوح طیانامادی و اللهە شویلە ندا ایتدی :
– یا ربی ! او بنم اولادمدی ، اهلمدندی ، عائلەمدندی ...
جناب الله ؛
– او ، سنڭ عائلەڭدن دگلدر . بویوردی . یعنی ؛ « ایمان ایتمەدیگی ایچون سنڭلە مناسبتی بیتمشدی . » ( باقڭز هود ، ٤٥ – ٤٧ )
اونڭ ایچون بز مسلمانلر ، نرەدە اولورسە اولسون دیگر مسلمانلری قرداش صایمق طورومندەیز . دنیادە نە قدر مسلمان وارسە هپسی بزم قرداشمزدر . هم دە قان باغندن داها فضلە قرداشدر .
مسلمان قرداشلگی مالیلە ، جانیلە ، عرضیلە ، هپسییلە بربرینە باغلی ؛ بربرینڭ شرفنە حیثیتنە دقت ایدن و أوڭی أوز بە أوز قرداشی گبی قورویان باغلیلغڭ بر اثباتیدر .
اما مع الاسف ایمان باغی و اسلام قرداشلگی ضعیفلادیغی ایچون شو آندە مسلمانلر پارام پارچە اولمش وضعیتدەدر . سوزدە بوگون ایكی میلیار مسلمان وار ، آما بر آووج یهودی گبی برلك و برابرلك ایچندە اولامییورز . حالبوكە جناب الله ، بز مسلمانلرە قرآن ؛ « بر و برابر اولوڭ . » بویورویور . مسلمانلر اولارق ؛ بوگوندن تزی یوق ، اویانمق و بربریمزە صیقی صیقییە باغلانمەمز گركمكدەدر . ینە بوگون اعتباریلە ، أولكەمز بو برلكدەلگڭ تأمینی ایچون غیرت ایتمكدەدر .
خلاصە ؛
بزلر مسلمانلر اولارق برلك و برابرلك ایچریسندە اولسەیدق ؛ یهودی قدسی المزدن آلابیلیر میدی ؟
چيندە طوغو تركستانلی مسلمان قرداشلریمز چلە چكییور اولورلر میدی ؟
آراقاندە مسلمانلر قتل عامە اوغرارلر میدی ؟
و دنیانڭ هر یرندە مسلمان قرداشلریمز پریشان اولورلر میدی ؟
بر مارشڭ سوزلرندە افادە ایدیلدیگی گبی :
طوپتان صاریلالم یوجە قرآنه ؛
چونكە رحمت اینمز آیری طورانە .
مسلمانم دیین بو قدر ملت ،
اسلام گوزی ایلە كندینە باقسە ،
اسیر می اولوردی مسجد اقصا ؟
اولمازدی آما طارمه طاغین اولونجە مسلمانلری بو حالە گتیردیلر . شمدی بتون بونلرڭ قارشیسندە مسلمانلرڭ اویانیق اولمسی ، شعورلی اولمسی ، دینینی ، ایماننی ایی أوگرنوب ، برلك ، برابرلك ، سوگی و محبت ایچندە اولمسی لازمدر . هم دنیادە هم دە آخرتدە اسلامدن باشقە چیقار یول یوقدر . بونی گوندمنە آلان بر شاعریمز نە گوزل سویلەمش :
اللهە طیان ، سعیە صاریل ، حكمتە رام اول ؛
یول وارسە بودر ، بیلمییورم باشقە چیقار یول . ( م . عاكف )
یوجە ربم ؛ بزم برلگمزی ، برابرلگمزی ، آرامزدەكی محبتی و باغلیلغمزی قرآنڭ اطرافندە بولوشدیرسون . بو صورتلە یڭیدن شاهلانیشە گچەبیلمەمزی نصیب أیلەسین ان شاء الله . آمين ..