ناصل یوروملی ؟
ناصل یوروملی ؟
سیری ( م . علی اشمه لی )
یوللر عمرندن اوزون ، تنلە دگل ، جانلە یورو،
جانە رهبر أبدی حضرت جانانلە یورو!
قيلاووزسز وارامازسڭ ، بیلەمزسڭ روطەیی،
صاقین آیریلمە پشیندن یوز آغارتانلە یورو!
بر ضیا اولماسە هر شئ قرە ، هر یر زفیری،
شو قراڭلقدە گوڭل لامبەسی ، برهانلە یورو!
هر طوزاق ، هر پوصو ، هر تهلكە ، هر زور ، ایچ ایچە،
تك گیدیلمز یيگیدم ، بر اولو كروانلە یورو!
صاییسز زیق – زاغی گورمز ، چوزەمزسڭ دوگومی
كندی عقلڭلە دگل ، حضرت قرآنلە یورو!
آغزە ، قوم روزگاری ، توز طولدیرویور ، چوللر چوق،
هپسی گلشن اولا ، پیغمبر ذی شانلە یورو!
دیك و صارپ انگەبەلر ، سدّی آشیلماز قایالر،
بر دە باغ چلمەسی وار ، طاغ گبی ایمانلە یورو!
تك گچید محشرە دنیا دینیلن كوپرو ، چتین،
نە قدر اینجە و كسكین ، بونی تام آڭلا یورو!
امتحانلر یوروتور كار و ضرر چارشوسنی،
سن تجارتدە صاغ اومزڭدەكی جزدانلە یورو!
باق شو صول اومزی طاشاركن نیجە افلاس ایدنە،
عبرت آل ، اوردە دگل بوردەكی پشمانلە یورو!
ذوقە طالمش قودوران قهقهه اربابنی گچ،
ئولمدن ؛ سیل كسیلن گوزلری عمّانلە یورو!
كیفه یورمق شو آغیر غربتی ، احمقلقدر،
آیریلق ماتمی بر جادّەدە هجرانلە یورو!
گوكدە سوز دیڭلەمدڭ ، یرلرە دوشدڭ ، آرتیق؛
دیڭلە هر امرینی حقڭ ، ادب اركانلە یورو!
دوشمە تكرار شو مزارلقدە ، كبردن صییریل،
متوازی یاشا ، صوڭ ذروەیە خرمانلە یورو!
قانمە هیچ نفسڭە ، گردابدە بوغار روحنی او،
سن، پیس ابلیسی دفع ایت، تر تمیز انسانلە یورو!
یا فقیرسڭ یا دە زنگین ، بو بویوك بر تقدیر،
اهل عصیانی بیراق، حال غریبانلە یورو!
اور درین ، آغری حزین ، حصە غائب ، یر یوزی قان،
بشریڭ دردی ییغین ؛ آچ ، اوقو ، درمانلە یورو!
ظالمڭ كین و جفا قوصدیغی بر آندە هلە،
طورما ، شفقت و عدالتدەكی وجدانلە یورو!
غایەدن چلمك ایچون، اوغراشە طورسون دوشمان
سن دە جدّڭ گبی اللّه دیو دستانلە یورو!
ینە گوك قبّەیی بر طاتلی صدا ، طولدیرسین،
كوتو بر ناملە دگل ، اڭ ایی بر شانلە یورو!
ینە وصلت گونی یادیلە صباح ایت بو گیجە،
صاریلوب توبەیە رحمت طولي غفرانلە یورو!
ینە فاتح ددەمڭ دیپ دیری عزمیلە بوگون،
كوفلی زنجیرلری قیر ، عین كحیلانلە یورو!
ینە سن اول ، شرفڭ ، شخصیتڭ آبدەسی،
مایەسز طینتە ؛ « لا ! » چك ، گوگە قربانلە یورو!
بیڭ علاج اول ، ینە میقروبلری آلت ایتمك ایچون ،
ینە بر حمله دە ؛ « یا حق ! » دیە قالقانلە یورو!
ینە دنیادە یوجلت عشق ایلە اللّه سوزینی،
أوز بودر ؛ بر الی جان ، بر الی طوفانلە یورو!
هایدی ، بوش قالدی افقلر ، سنی بكلر ، نیجەدر،
تاج سنڭدر ؛ یاشی اون بش ، باشی طقسانلە یورو!
كوكلەنوب تازە فدانلر چنار اولسون یڭیدن،
هر طمورجقدە طوغان میوۀ عرفانلە یورو!
عرشە قول قول ، ینە باغرندە قناتلر طاقیلی،
آی و ییلدیز گبی گوندوز گیجە دورانلە یورو!
ینە اولسون یگیدم ، هر گیدیشڭ طوغری یوڭە ،
اولو معبدلە ، منارەیلە ، شادروانلە یورو!
ای جوان ، قایماسین عالمدە ثباتكار آیاغڭ،
«طوغری اول! » امرینە اوی ، اڭ یوجە فرمانلە یورو!
قورو انسانلغی هر دم ، جادی ظالملردن،
فتحینڭ بایراغی جوشسون ینە میزانلە یورو!
بو قدر سرلە یورورسەڭ ، سڭادر هر مژدە،
أیردیگڭ ، جنت اولور ، سجدۀ شكرانلە یورو!
استقامت ، او اوزون ، اڭ قیصە یول ، ای سیری،
باشدە سیر ایت صوڭی ، اللّهە بو سیرانلە یورو!