گنە هیچ بر شیئی ، تام ایدەمدم
عثمان طاش
بر عمر خرجادم یالان دنیایە ،
گنە هیچ بر شیئی ، تام ایدەمدم …
چلە چكدم ، بل باغلایوب خولیایە ،
گنە هیچ بر شیئی ، تام ایدەمدم …
اوقوللر بیتیروب دیپلومە آلدم ،
نیجە مال ملك ، مقام صاحبی اولدم ،
بر خیلی ظاهری بیلگی یە طالدم ؛
گنە هیچ بر شیئی ، تام ایدەمدم …
دڭزلری گچوب ، طاغلری آشدم ،
بر لیلا اوغرینە چوللر طولاشدم ،
صاییسز مجازی عشقلرە دوشدم ؛
گنە هیچ بر شیئی ، تام ایدەمدم …
باقییی اونوتوب ، فانییی سچدم ،
نفس ایستەدكجە ، هپ ییوب ایچدم ،
ساختە ذوقلر ایلە كندیمدن گچدم ؛
گنە هیچ بر شیئی ، تام ایدەمدم …
صوڭندە أولنوب ، بر یووە قوردم ،
موتلو اولمق ایچون چوق امك ویردم ،
بابالق ، ددەلك ، حظّنە واردم ؛
گنە هیچ بر شیئی ، تام ایدەمدم …
آڭلادم كە عاجز ، مسكین ، بر قولم ،
« حی » دن گلوب « هو » یه گیدرمش یولم ،
بر باقدم ، قاپویە طیانمش ئولوم ؛
گنە هیچ بر شیئی ، تام ایدەمدم …
پشیندن قوشدیغم ، سرابمش مگر ،
اوڭا گوڭل ویرن خرابمش مگر !
عثمانم صوڭ طوراق ترابمش مگر ؛
گنە هیچ بر شیئی ، تام ایدەمدم …