كلام برجندە تضرع
نهاد مالقوچ
حسرتڭ یانغینندە وارلغم تالان اولدی ،
حقیقت صاندقلرم قورو بر یالان اولدی ،
كیمە أل اوزاتدیسەم أللری ییلان اولدی ؛
عشقڭلە یانار قلبم ، دیلیم ناچار یا ربّی ! . .
گوڭل باغچەلرندە ، گللر آچار یا ربّی ! . .
بو یاشلرە گتیردڭ ، اقلیمندە یاشاتدڭ ،
توحیدڭ گولگەسندە ، یوركلردە باش آتدڭ ،
دعامی سبب قیلوب حزنی ، كدری آتدڭ ؛
تحمّلی اولمایان دردی ویرمە یا ربّی ! . .
سیم سیاه دفتریمی نولور درمە یا ربّی! . .
خطادن صوڭرە ، دعا حظّنی ویردڭ بزە ،
رحمتڭ اولماسەیدی ، وارامازدق گوندوزە ،
أل ویردڭ دە چیقاردڭ ، اوچوروملردن دوزە ؛
قصور و نقصانیمی گورمزدن گل یا ربّی ! . .
ندامت گوز یاشلری ( م ) اولدی بر سیل یا ربّی! . .
بویوسون غنجەلرم ، بوزمە گوڭل باغیمی !
مرحمت گونشیلە ، أریت گناه طاغمی !
حقیقت چیزگیسندە ثابت قیل آیاغمی !
گناهم بیڭی آشدی ، عفو ایت بنی یا ربّی ! . .
جهنّم آتشندن ، قورو تنی یا ربّی! . .
« قدرت » سنڭ صفتڭ ، قولنە یترسڭ سن …
خزینەڭ چوق گڭیشدر ، بری بیڭ ایدرسڭ سن …
حقیقت دعواسنی قرآندە گودرسڭ سن …
سودیگڭ قوللرینی ، یولداشم ایت یا ربّی ! . .
حالمدن آڭلایانی ، حالداشم ایت یا ربّی ! . .
پروانە قیل سودامی ، وصلتڭ آتشنە ،
قورتار باتاقلقلردن ، سور ایزڭڭ پشینە ،
قور گوڭل ساعتیمی ، حقیقتڭ دوشونە ؛
ظالملرڭ ألندن قورتار بزی یا ربّی ! . .
منافقڭ دیلندن قورتار بزی یا ربّی ! . .
آدڭ رزّاقدر سنڭ ، طویورورسڭ قوللری …
بلا و مصیبتدن قاییریرسڭ قوللری …
ایمان سوزگچلرندە آییریرسڭ قوللری …
صیغلقدن قورتار بزی ، درینلك ویر یا ربّی ! . .
محشرڭ صیجاغندە ، سرینلك ویر یا ربّی ! . .
هم ابدسڭ هم ازل ، وقتی قوشانانسڭ سن …
تر تمیز گوڭللردە ، هر دم یاشانانسڭ سن …
رحمت صاغاناغیسڭ ، گوكدن بوشانانسڭ سن …
بوشلقدە یوروینڭ طوت قولندن یا ربّی ! . .
آییرمە مؤمنلری حق یولندن یا ربّی ! . .