امام خطیب مارشی
امام خطیب مارشی
سیری ( م . علی اشمەلی )
ملّی و معنوی بر اگیتیم آڭلاییشیلە عقل سلیم و قلب سلیم شخصیتلر ،
اولاد فاتحان گوڭللر ، گزیدەلر ، گوچلی داهیلر و بر رجب طیب ارطوغان یتیشدیرن ایمان و عرفان تملندە ادب و اخلاق ، لیاقت و درایت أوزرە علم و حكمتلە طونانمش توم خیرلی نسللرە اتحافاً
امام خطیب مارشی
صولر بلوط سڭا ، بر قطرە بكلییور هر یر ،
آقارصو اول ، آقیویر ، ای امام خطیب نسلی !
نە ذروە بر مزیت ، قیلدیغڭ نماز ، اكبر ،
آدانمق افقە دگر ، ای امام خطیب نسلی !
امانت آیتنڭ گولگەسندەسڭ دائم ،
یامان یوقوشلری آش ؛ – ای قولم ، دیسین ربّم ،
بو معتبر اگیتیم خرمانندەدر قلبم ،
اكیم – دیكیم بو مگر ، ای امام خطیب نسلی !
أنرژی سندن آقار أویلە بر سبیلسڭ كە ،
درین دوشونجەدە شاه ، أویلە بر اصیلسڭ كە ،
احد دیوب دە قوشان أویلە بر نسلسڭ كە ،
بر اينجی قاینادی یر ، ای امام خطیب نسلی !
اشیكدن عرشە دونوش مكتبندە ازبرسڭ ،
دقیق ، دویارلی ، حیا دویغوسندە چنبرسڭ ،
افندی أورنگیسڭ ، متّقییە رهبرسڭ ،
بو فرض ، اصل قارییَر ، ای امام خطیب نسلی !
امكدە رفرف اولان سن مثال قنات یوقدر ،
دواملی آچدر أوزڭ ، دائما گوزڭ طوقدر ،
ادبلی ، صاف باقیشڭ ، ظلمە قارشی سرت اوقدر ،
بو اینجە بر قریتر ، ای امام خطیب نسلی !
امین ، گزیدە ، وقور بر طمار بو ، دیڭمز هیچ ،
دها بو صوڭسز اجر ، حق قاتندن اینمز هیچ ،
اوت ، سنڭلە بو مشق ، ای نسل ، سیلینمز هیچ ،
باش أوزرە سن گبی أر ، ای امام خطیب نسلی !
أقول بو ؛ گلسە اودون ، گیتمەدن یشرمكدە ،
دیكنلی ، جمری گلن ، صوڭرە بولجە ویرمكدە ،
الآن بایردە قالان ، بر گون اِلّه ایرمكدە ،
برر ، بشر ، یدیشر ، ای امام خطیب نسلی !
امان و توحیدمز ، حوزە حوزە آمنت ،
دوا ، بو سردە امر ، روضە روضە بر أورتو ،
اَلَم صراطی ؛ یرڭ آلتی ، طوپراغڭ أوستی ،
بوم اولماسین نیلوفر ، ای امام خطیب نسلی !
چوراق و قوپ قورو بر چاغدە ، قلبی ، ای عُمّان ،
بوگونكی صانجی چتین ، سندە چارە ، ای لقمان ،
قان آغلاتان چلەنڭ طبّی باشقە ای درمان ،
بو دردە عمرڭی ویر ، ای امام خطیب نسلی !
بیلیر میسڭ ، نە دییور بیڭ بر امتحان ، حكمت ؟
زور آندە اڭ كوچوجك زحمت ، اڭ بویوك رحمت ،
صوسز زمیندە پیڭار اول ، چیچكلنیر نعمت ،
همان دمتلری در ، ای امام خطیب نسلی !
مادالیەلر طوليسڭ كیفیت دینن فندە ،
مهارتڭ ، صنعتڭ هر رؤیاسی وار سندە ،
صوڭندە موشتو سنڭ ، شمدیدن سنڭ مژدە ،
شعور و شكرینە اير ، ای امام خطیب نسلی !
هدف ، خیالی یڭر « حیّ » دیوب طوناندقجە ،
جهالت آلت ایدیلیر ، سن عِلم قوشاندقجە ،
آدڭ ئولومسز اولور ، سن خدایی آڭدقجە ،
دونر خیرلرە شر ، ای امام خطیب نسلی !
مقامی اڭ سَوِیلن بستەسڭ ، مكمّلسڭ ،
یتیمی ، یوقسولی قول قول قوجاقلایان ألسڭ ،
ضعیف ، زواللی ، غریب ، كیمسەسز ایچون ، سيلسڭ ،
صو ویر ، یانیق بو جگر ، ای امام خطیب نسلی !
تبسم ایت ، بو علاج ، چوق گركلی انسانە ،
تفكر ایت ، چوزولور اڭ كلیدلنن معنا ،
تشكر ایت ، سنی كیم أیلەدیسە مستثنا ،
صاقین ها اولمە هدر ، ای امام خطیب نسلی !
شو آن ایچون داها شرط دونكی حیثیت كورْكی ،
بو شرط ایچندە عزیز چونكە ذرّیت ملكی ،
ناصل پازاردە فصل ، توركی ، ذهنیت ، أولكو ؟
مزار ، بو فصلە نە دیر ، ای امام خطیب نسلی ؟
دیار محشرە بر باق ؛ نە حالدە انجامی ؟
اعوذ – بسملەلر دوندیرر سر انجامی ،
برر كفن بزیدر هركسڭ صوڭ احرامی ،
نەدر قبردە فنار ، ای امام خطیب نسلی ؟
كمیرمەسین سنی ، دیك طور ، دَوِرمەسین قوشقو ،
بو باغری قاپلاماسین حق طیشندە بر قورقو ،
اینانجە چوق پوصو وار ، چلمەسين تحف اویقو ،
نفاقی چارمیخە گر ، ای امام خطیب نسلی !
محمّدی یتیشن كیملگڭ سنڭ ، عالِم ،
درایتڭ ، ددەمڭ نبضی ، تیترەسين ظالم ،
یگانە تربیەنڭ رحلەسندە چیفت تعليم ،
ابو بكر و عمَر ، ای امام خطیب نسلی !
گورول گورول یورگڭ ، سن كە نور عثمانسڭ ،
علییلە فاتح اولان بر سلیم دورانسڭ ،
ازل – ابد سڭا تاج ، چونكە اهل قرآنسڭ ،
نە خوش نصیب بو قدَر ، ای امام خطیب نسلی !
نە طاتلی بر یورویوش ، سادە مستقیم یوڭدە ،
نە طاتلی چیرپینیشڭ ، درس ایچندە اڭ أوڭدە ،
نە طاتلیدر باشاریڭ ، بر دە صحبتڭ ، بر دە ؛
او حافظڭ نە هنر ، ای امام خطیب نسلی !
او بلبلڭ ، شاقیسين – صیفە صیفە – شنلندیر ،
بویوك براتە آقیش ، چاغلایان شلالەڭدر ،
حسینی حزنی صاران بر حجاز نقش ، سندر ،
بو نقشی گوكلرە سر ، ای امام خطیب نسلی !
سنڭلە گوردی گورن شخصیت دینن فرقی ،
سنڭلە آڭلادیلر وارلغڭ نەدر چرخی ،
نمونەسڭ ، بو صفت ، مصطفانڭ اخلاقی ،
حیات بو علمِ سِیَر ، ای امام خطیب نسلی !
ای آلنمزدە گونش ، ای فتح گلستانی ،
سنڭ چنار طوروشڭ ، یندی تورلی شیطانی ،
بهار اولان یارینڭ ، ای صباحی ، دستانی ،
ألندە موتلو خبر ، ای امام خطیب نسلی !
یوزڭدە جانلی كتاب ، حقّە آینەدر چهرەڭ ،
بو قطعه قطعه شعر ، هپ سنڭ كتابەڭدن ،
گناهە باتسە جهان ، باتمایان نسلسڭ سن ،
بودر ثوابە سفر ، ای امام خطیب نسلی !
دعا دعا بویوین بر جوان ملتسڭ ،
مرامی جنّت اولان اڭ خیرلی امّتسڭ ،
قارینجەلر گبی سن حق یولندە غیرتسڭ ،
یاقین شفقدە ظفر ، ای امام خطیب نسلی !
نە موتلو بدر وفا ، یوز آقیلە موسالر ،
بو خستە دورە شفا ، حمزەلر و عيسالر ،
فضاى عمرە صفا ، كعبەمزدە اقصالر ،
سنڭ یولڭ یوجەلر ، ای امام خطیب نسلی !
قلم منارەلرڭ گور اذانیسڭ ، آقسڭ ،
خطابتڭلە گوڭل منبرندە اوچماقسڭ ،
امیدسڭ ، آبدەسڭ ، حر وطنلی بایراقسڭ ،
اثر سنڭلە اسر ، ای امام خطیب نسلی !
پیشندە صافده طورور ییلدیز – آی ، بو مهتابدە ،
سنڭلە تكبیر آلیر قبّەلر بو محرابدە ،
وعظ و كرسیلرڭ كوپرودر بو گردابدە ،
اوموزلرڭدە كمر ، ای امام خطیب نسلی !
ایچڭ دڭز گبیدر ، شاخلانیر فقط طاشماز ،
طیشڭ ، ایچڭ گبیدر ، قبلەدن روطەڭ شاشماز ،
فضیلتڭ بو سنڭ ؛ حقّی ، حدّی هیچ آشماز ،
دینیر : – ملك بو بشر ، ای امام خطیب نسلی !
اڭ أسكی ، اڭ یڭی توم ، سندن آشنا ایستر ،
نە شانلی بر گلەجك ، سندە تاریخی دفتر ،
اساس خزینە سنڭ ؛ بختی جوشدیرور مهتر ،
سنڭ هلالِ سحر ، ای امام خطیب نسلی !
بر اول ، برابری اول ، چوق سور رسول اللّه ،
سن ، اهل كفرە شدید ، دوستە شفقت اول ، هر گاه ،
طومورجغڭ چوغالیر ، مست ایدر بو ، ای آگاه ،
گاور ، زهرلی بیبر ، ای امام خطیب نسلی !
بتون طوزاقلری گور ، صاپما هیچ حرام فكرە ،
یابانجیلاشما صاقین ، اڭ مهم ، حلال ذكرە ،
دونوشمە نانكورە هیچ ، هر زمان صاریل شكرە ،
نەلر آشار بو تكر ، ای امام خطیب نسلی !
صبر ، ثبات كوكی اول ، صاورولوركن انسانلر ،
سِنانلرڭ یتیشیر ، بوی ویرر سلیمانلر ،
مرادلر عین اولور ، شاد اولور بو میدانلر ،
ایرر حضورە كدر ، ای امام خطیب نسلی !
كبرلی بر جوجەدر كیمدە یوقسە حق دعوا ،
رذیلە بڭزەمەمك دینمزدە أوز فتوا ،
چامورلی گیسی هوا ، بم بیاض لباس تقوا ،
تمیز صاریقدە قمر ، ای امام خطیب نسلی !
بو روح ، رجب – رمضان روحی ؛ مغفرت غایە ،
قدرلە قدرڭ أوزل ، آخرت بو سرمایە ،
صداقت أوزرە ، جهاد أوزرە سندەدر پایە ،
طقوز فلك سڭا فر ، ای امام خطیب نسلی !
یورولما ، ییلما ، اویان ، قالق ، اوصانما ترلركن ،
بیقوب دە دوشمە صاقین ، طورمادن ایلرلركن ،
بُراق كسیل ، ینە قوش ، صوڭ وحی یاریش دیركن ،
رضایە ار ، بو یتر ، ای امام خطیب نسلی !
مقدّساتە فدا ، حرمتڭلە اعلاسڭ ،
سكوت و گوچلی صدا ، قامتڭلە بالاسڭ ،
او مرحمتلی ادا ، رحمتڭلە اِلّاسڭ ،
چوپ اولماسین بو دگر ، ای امام خطیب نسلی !
رسولی أوزمە امان ، محجوب ایتمە اسلامی ،
قوجاقلاسین ینە یر – گوك سنڭلە بایرامی ،
نە قوتلی نام ، یاشاییش مهری ، مسلمان نامی ،
سَوِین ، مهرسەڭ اگر ، ای امام خطیب نسلی !
اونوتما ؛ تمّوزڭ اون بش دمندە طوغرولدق ،
اونوتما ؛ قورتولوشڭ كلخانندە یوغرولدق ،
دلیل چاناق قلعەمز ، جان ویروب دە جان بولدق ،
گچیلمز أوزدە سپر ، ای امام خطیب نسلی !
گچیلمە هیچ یگیدم ، حشرە دك سلام اولسون ،
تلاوتڭ ، ینە « هو » ، اڭ گوزل كلام اولسون ،
محمدڭ میمی اول ، سوز الف و لام اولسون ،
دینیلسین ؛ – ایشتە لیدر ، ای امام خطیب نسلی !
بو مارشی شوق ایلە ای یازدیران ، چوغالت اجری ،
بو قارنەدر سڭا ای بر گوڭل ، دوزلت دوری ،
بو طابلو ، سرِّ شهید ، محتشم دییور سیری ،
بو جمرە ، سندەكی تر ، ای امام خطیب نسلی !
۲۱ قاسم ۲۰۲۲ پازار ایرتسی ،
آق مسجد / سنجاق تپە / ایست
مفاعلٌ / فعلاتٌ / مفاعلٌ / فعْلٌ
و
١٤=٧+٧ هجا أولچوسی