یڭی نسل
یڭی نسل
فائق گونگور
خیرلرە وسیلە بر نسل دیلییورسەڭ ،
قولندە دفتر ، كتاب ، ألندە قلم اولسون
آتییی إنشا ایچون ، اصولی بیلییورسەڭ ،
حالڭدە الا ادب ، رؤیاڭدە عالَم اولسون
خیالیڭی نور دوری سوسلەسين أبدایاً ،
شاد اولور دو جهاندە هر دائم ؛ « الله! » دیین ،
زمانی ارشاد ایچون اڭ قیمتلی هدیەڭ ؛
سوزلرڭ حكمت طولو توحیدی كلام اولسون
رحمینە صیغین وقتڭ ، آووج آچ رحمتنە ،
مقبول ثانیەلرڭ صاریل مرحمتنە ،
ماضییی استقبالە چكنلر حرمتنە ؛
اون آلتی رنك چادیرڭ ، لالەلی كلیم اولسون
رحلۀ تدریسندە شكللنن هر بری ،
ایلك نظردە گورملی « اقرا » دەكی جوهری
چاغلری دگیشدیرن سلطان فاتح ، دیگری ؛
قوتلی امانتلرلە تاجلانان سلیم اولسون
آخلاقڭ ؛ حاجی بایرام ، حاجی بكتاش ولیدن ،
عزیز محمود هدائی ، شیخیم ادب علیدن ،
شعرڭ ؛ یونس امرە ، یسوی ، فضولیدن ؛
معناسی آناطولی ، مایاسی دیلیم اولسون
٥ آرالق ۲۰۲۲ ، الازیغ