ای اوغل ! – ۲
ای اوغل ! – ۲
كمال آقگل
بن گیدرسەم سڭا خاطرە قالیر ،
صانمە بو سوزلرم دیلدەدر اوغول !
یازیلمایان سوزلر اوچار ، یل آلیر ،
قورو یاپراق گبی یلدەدر اوغول !
اوغول ! قدَردەكی گلیرمش باشه ،
قدرە سوزیمز اولماز كە حاشا .
صلە صلە دیە صيزلانمە بوشه ،
بلكە رزقڭ غربت الدەدر اوغول !
طوغمادن بیترمش اوغلاغڭ اوتی ،
رزق ، قدر سڭا قپالی قوطو ،
دنیا نعمتلری برر آوونتی ؛
ظن ایتمە زنگینلك مالدەدر اوغول !
گلیر سنی بولور پایڭه دوشن ،
بعضاً أوزولورسڭ ، بعضاً گوڭل شن ،
گلدن عبارت می صانیرسڭ گلشن ؛
گل دیكنلە عین دالدەدر اوغول !
شكایت أيلەمز قیلیجڭ قینی ،
پارچە پارچە كسیلسە دە هر یانی ،
دیكنلری باتسە آقسه دە قانی ؛
بلبللرڭ گوزی گلدەدر اوغول !
اویومسزلق بولامازسڭ برندە ،
گوردیگڭ نە وارسە یرلی یرندە ،
بالیق اوچماز ، قوش یاشاماز دریندە ؛
قوش هوادە ، بالیق گولدەدر اوغول !
عمر یولی یوقوش ، بعضاً دولكدر ،
انسان ألر ، دنیا قوجە الكدر ،
گناهلردن خالی اولان ملكدر ؛
ثواب دە گناه دە قولدەدر اوغول !
خطایی بیلمەمك خطادن بتر ،
گناه ایشلەیوب دە أوگونمە یتر ،
یاڭلیش یاپديغنده ندامت گوستر ؛
حقیقی توبەلر حالدەدر اوغول !
جانی یوق ، قانی یوق ، ناصل یورولور ؟
گوچ یتمز كە صانمە قارشی طورولور ،
نە یولاره گلیر نە گم وورولور ؛
زمان آتی دائم یولدەدر اوغول !
اوغول ! بو سوزلرم آرتیق سنڭدر ،
یتیمی ، اوكسزی قوللە ، سویندیر ،
شفقت قنادنی أوستنە ایندیر ؛
بلا یاغمورينه طولدەدر اوغول !
آقگلڭ أوگودی اولماسین هدر ،
ایكی ملك واردر هپ سنی گودر ،
توم عملی بر دفترە قید ایدر ؛
بری صاغدە ، بری صولدەدر اوغول !