مولى ایلە صحبت
تالى (مصطفى عاصم كوچوك آشجى)
یوجەیسە ، قرانلە یوجەدر سما . . .
گولگەسیلە ارضه ، شان ویرن هما . . .
اوقونمەسی ایچون ، ایندی بو كتاب :
بِالذات قرائتدر ، اسم – مسما . . .
بو علوی سفرەدن اوزاق طورمق نە ؟
آڭلامامق نەدر ، قلبڭ می اعما ؟ . .
تنبللگی ایتمە ، جهلە بهانە ،
آپ آچیقدر كتاب ، دگل معما ! . .
اخلاصلە ، تقوایلە ، آچیلیر سرلر ؛
غیرتلرڭ شوقی ، فیضە رهنما . . .
طاش دە اولسە قلبڭ ، اصرارلە اوقو ،
مرمری دلر صو ، دوشسە دائما ! . .
قرآنسز گوڭللر خستە و بیتاب ،
او شفا اولمدن دیڭمز بو حما . . .
مصحفڭ یوزندە ، حكمت آیینەسی ،
او نورە باقدقجە نورلانیر سیما . . .
بر دفعە اوقونوب بیتمز ، بو ، صوڭسز ،
هر دفعە كشف اولور بر نیجە ایما . . .
مولى ایلە صحبت امكانی اوندە ؛
اوندەدر آدمە ویریلن اسما ! . .
پر خشوع اوقورسەڭ ، سكینت اینر ؛
ملكلر ، باشندە ایدر اجتماع ! . .
قرآن باغچەسندە رایحە بولور ،
تلاوتسز مؤمن ، قوقوسز خرما ! . .
اصلنی ، مئاللە ، تفسیرلە اوقو ! . .
ألندن طوتملی صاغلام عُلَما . . .
قدر قرآنلەدر ، یاشا و یاشات ،
قرآنله سنتلە ، شفاعت عظما ! . .
رمضان قرآندر ، اوڭا تخصیص ایت ،
اونلرجە ختمدر ، طرز قدما . . .
بتون بو نعمتلر ، مولادن اكرام .
حضور قلب ایلە اوقورسەڭ اما ! . .
تلاوتڭ اسم فاعلی ، تالی ،
مخلصڭ حقیدر ، هپ اوقو ، صوصما ! . .
MEVLÂ İLE SOHBET
TÂLÎ (Mustafa Asım KÜÇÜKAŞCI)
Şiire ulaşmak için tıklayınız