یانیق گوڭل مظفر یورك
مصطفى عاصم كوچوك آشجی
انبات ویرن گونش ، قاوورور چول آلانلری ،
نوریلە كور ایدر اوڭا دیك دیك باقانلری …
گللر و لالەلرلە مزین شو باغچەنڭ ،
آردندە بیڭ مجادلە ، اصلاح اولان زمین …
پوتلر قیروب دە توحیدی انشا ایدن رسول …
ماحیدر اسمی ، ظالمی امحا ایدن رسول …
مغدورلرڭ یانندە ، امیدلر كسیلسە دە ؛
حلف الفضوله ویردی اوموز جاهلیەدە …
بر آینەدر او یوز ، باقانڭ حالی اوردە هپ :
صدیق باقینجە مست ایكن ، عفریت ابو لهب ! . .
دائم صبرلی ، هپ متبسم او چهرە باق :
آلنندە بر طمار قباریر چیگننیرسە حق .
صوڭسز محبتندە ، نظام وار شیمارتماز ،
رحمتدر عالمینە ، طوغورماز فقط مرض …
الله ایچون سور ینە الله ایچون قیزار ،
مظلومە كور طوزاقلری غیرت ایدوب بوزار …
دنیایە حقڭ ایلچیسی ، اسلام قوماندانی ،
اوندن آلیر جسارتی اللهڭ آرسلانی …
تنبل و عاجز اولمامق ، اللهدن آرزوسی ،
مانع می ذروە اولمەیە انگین تواضعسی ؟ ! .
تالی ، او شاهی طوغری تلقی گرك بزە ،
لازم یانیق گوڭل و مظفر یورك بزە …