یا رسول الله
شریفە شعلە تسلیم اوغلی
نورڭی گوردیگی آن ، بزندی باغ جنان ،
عطرڭە مفتون اولوب ، دوشدی ارضە گلستان ،
أوگمك ایستەسە قلم ؛ لسان عاجز قالییور ؛
سنی یارادان أوگمش ، اثباتی یوجە قرآن !
سنت سنیەڭە صاریلمقدەدر صلاح ،
جمالڭ بر كز گورن ، بولور ابدی فلاح ،
عاشق معشوقی ایچون ؛ ترك أیلر نەیی وارسە ؛
سنی عشقلە سومەیی لطف ایتسین بزە الله !
بو دنیا زندان بڭا ، اذن ویر دە چیقایم ،
یولمە مانع اولان ماسوایی ییقایم ،
قراڭلغڭ پردەسی آچیلسین آیدینلغە ؛
شبنم اول دوش گوڭلـمە ، اویانوب آییقایم .
آچیلماز ایمش پردە ، آدڭ آڭیلماینجە ،
طوغری بیلینمز ایمش ، شاشیپ یاڭیلماینجە ،
بر الف ایلە اوچ میم * نور اسماڭە مقدم ؛
نەیلەسين تشنە اولان ، سڭا قانيلماينجه .
شمسڭ ضیاسی سندن گلیر یا رسول الله !
سنی أوزدە آرایان ، بولور یا رسول الله !
الله و رسولینڭ یولندە جان ویرنلر ؛
خوض كوثر باشنە گلیر یا رسول الله !
* احمد محمود محمد مصطفی صلى الله عليه وسلم